Tu âs cirût la peraule
monolengâl
torne indaûr

monolengâl

vê ce fâ loc.v.
Vê robis di fâ, jessi impegnât
esemplis
"ma jo culì mi piart a cjacarâ / tant che no ves ce fâ"
gjavât fûr di "Presentazion di Instoriis e liendis" di Pieri Çorut
""Scusait, ma el principâl al veve ce fâ e jo…""
gjavât fûr di "Pronostic par l'an 1836" di Ugo Pellis
Viôt ancje: vê cefâ
vê ce fâ loc.v.
Vê di fâ fadie par otignî alc
sinonims
vê cif e çaf
esemplis
"cumò ancje so pari al jere inrabiât fuart e sô agne e veve ce fâ par viodi di meti pâs"
gjavât fûr di "Fûr di timp" di Jolanda Mazzon
vê ce fâ loc.v.
Vê analogjie, relazion, inerence cun alc
sinonims
vê a ce viodi, vê a ce fâ
esemplis
"lis Cumunitâts [medievâls] dal Friûl no àn nuie ce fâ cui Cumons de Lombardie, dal Venit, de Toscane, ne par vie di cemût che a son nassudis, ne par vie di cemût che si governavin"
gjavât fûr di "Cuintristorie dal Friûl dal 1866 fint in dì di vuê" di Josef Marchet
"controversiis che a àn ce fâ cu lis “aghis publichis”"
gjavât fûr di "La Livence e torne cjase" di Zuan Pieri Biasatti
vê ce fâ loc.v.
Vê un cualchi rapuart cun cdn. o cun alc
sinonims
vê a ce fâ, vê a ce viodi
esemplis
"al veve vût ce fâ cu la polizie par vie di cualchi cjoche o di cualchi barufe cui mucs"
gjavât fûr di "Une letare par Bepo" di Pieri Menis
"al contint ancjemò di no vê nuie ce fâ cun ce che a i dîs la acuse"
gjavât fûr di "Vieri e gnûf" di Pieri Piçul
"«[...] no bisugne vê masse ce fâ cun lui. Une dì o chê altre al podarès ancje lâ vie…»"
gjavât fûr di "Prime di sere" di Carlo Sgorlon
detulis
"al è mâl vê ce fâ cui massepassûts"
"cui triscj al è brut vê ce fâ"
"la lune no à ce fâ cui gjambars"
torne sù